Наурыз мерекесіне орай ПӘН бірлестіктері арасындағы спорттық жарыс өтті

Ұлыстың ұлы күні қазақ елі үшін әрқашан қасиетті, киелі болып саналған. Бұл мерекенің  артықшылығы халықты бірлікке, бір-біріне  жақсы ниетпен оң  тілек тілеуге, бірін-бірі құрметтеуге шақырады. Самарқанның көк тасы еріген бұл күнде қыстан аман-есен шыққан ағайын-туыс, ел-жұрт бір-бірімен көрісіп, наурыз тойын тойлаған. Араз ағайындар бірін-бірі кешірген. Наурызда игі тілектер мен баталар айтылып, ойын-сауықтар өткізілген. Осы аталған барлық жақсылықтарды іске асыру, ұжымның ұйымшылдығы мен бірлігін дәріптеу мақсатында кәсіподақ пен мектеп әкімшілігі бірлесе отырып пән бірлестіктері арасында жарыс өткіздік. Жарыс қауіпсіздік шараларын сақтай отырып  9  бірлестікпен  екі күнге  бөліп өткізілді. Екі күнде де дене  қыздыру үшін  "Қара жорға" биімен жарыс басталды. Нәтижесінде: 18.03 күні: І орын - қазақ тілі,  ІІ  орын - кіші  қызметкерлер,  ІІІ орын - ИФМ, Жаратылыстану мен Өнер бірлестіктері иеленді.Ал 19.03  күні: І орын - Бастауыш, ІІ орын - Тарих бірлестігі, ІІІ орын - Ағылшын тілі мен  Орыс тілі  бірлестіктері  жеңіп  алды. Жарысқа әр команда өте  керемет дайындықпен келген. Ұстаздарымыздың жарыс кезеңдерінде  әрбір жеңістеріне  балаша қол шапалақтап, уралап, шын ниетпен қуанғанын көріп отырып " осындай қуаныштары көп болса екен, бірлігіміз  нығая түссе, ұжымымыз әрқашанда алдыңғы қатарда жүріп,  жеңісті күндеріміз көп болса екен"  деген жақсы тілекпен   барлық бірлестік жетекшілеріне көп рахмет  және  мұғалімдерімізге алғысым шексіз 🙏🙏

https://m.facebook.com/story.php?story_fbid=1356251078101816&id=100011508102024