Кеңес әскерінің Ауғанстан жерінен шығарылғанына 33 жыл

Кеңес әскерінің Ауғанстан жерінен шығарылғанына 33 жыл толуына орай және оқушылардың патриоттық сезімдерін күшейту мақсатында 2022 жылы 18 ақпанда 10 «А» сыныбында ауған соғысына қатысқан ардагерлермен кездесу өтті. Кездесуге Жамбыл облысы және Тараз қаласы Ауған соғысына қатысқан ардагерлері мен мүгедектер одағының төрағасы ҚР Құрмет орденінің иегері, «Алтын жүрек» номинация иегері, қоғам белсендісі Ермеков Дүкенбай Сайлаубекұлы, қоғам белсендісі  Қоспанов Шымырбай, «Харизм» республикалық - танымдық гезетінің тілшісі  Г. Бизакова қатысты.
Іс-шара барысында оқушылар ардагерлердің ауған соғысы жайлы әңгімелерін ұйып тыңдады. Өз кезегінде ардагерлер қиындығы мен қасіреті мол ауған соғысы кезіндегі жауынгерлік тапсырмаларын қалай орындағандары, әртүрлі ұлттан құралған әскер қатарының мызғымас достығы  жайлы айтты.
https://m.facebook.com/story.php?story_fbid=487693642946175&id=100051166290256&sfnsn=wa