Ағымдағы жылдың 10 қараша күні 11 сынып оқушыларына директордың оқу ісі жөніндегі орынбасары Г.Мухамедкулова Ұлттық тестілеу орталығының Жамбыл облысы бойынша базалық филиалының директоры Ізтұяaқ Жамбыл Алпысбайұлымен семинар ұйымдастырды. Семинар барысында Ж.Алпысбайұлы 2024 жылдың ҰБТ жаңалықтарымен таныстырды. 2024 жылы ҰБТ-дағы пәндердің саны өзгермейді: әдеттегідей үшеуі міндетті және екеуі таңдау бойынша. Алайда міндетті "Оқу сауаттылығы" мен "Математикалық сауаттылық" пәндерінен тапсырмалар саны 5 сұраққа қысқарады. Ал бейіндік пәндердің сұрақтары, керісінше, артады  40 тапсырмадан тұрады: бейіндік пәндер бойынша сәйкестікті анықтауға арналған 5 тапсырма қосылады. Осылайша ҰБТ-ның жалпы тапсырмалар саны – 120 сұрақ өзгеріссіз қалады: Қазақстан тарихынан – 20 тапсырма;Оқу сауаттылығынан – 10 тапсырма; Математикалық сауаттылықтан – 10 тапсырма;екі бейіндік пәннен – әрқайсысы 40 тапсырмадан. Жоғары балл да өзгермейді – 140.

2024 жылы екі міндетті пән бойынша шекті балл төмендейді: Математикалық сауаттылық – 10 тапсырма, шекті балл – 3; Оқу сауаттылығы – 10 тапсырма, шекті балл – 3; Қазақстан тарихы – 20 тапсырма, шекті балл – 5; Бірінші бейіндік пән – 40 тапсырма, 50 балл, шекті балл – 5; Екінші бейіндік пән – 40 тапсырма, 50 балл, шекті балл – 5. Айта кетері, бұған дейін ҰБТ-ның барлық пәні бойынша шекті балл 5 болған еді.

2024 жылғы ҰБТ-ның тағы бір жаңашылдығы – тестілеу уақыты қысқарады. Енді ҰБТ тапсыру үшін түлектерге 3 сағат 30 минут (210 минут) беріледі. Бұрын тестілеу уақыты 4 сағатты (240 минут) құрайтын. 2024 жылдан бастап ҰБТ-да шығармашылық бағытты таңдаған талапкерлерге тағы бір міндетті пән қосылады. Енді олар "Қазақстан тарихы" мен "Оқу сауаттылығы" пәндерімен қатар "Математикалық сауаттылықтан" да тест тапсыратындығын хабарлады. 

Өз кезегінде оқушыларымыз келген маманнан көкейінде жүрген сұрақтарға жауабын алды.

2023 жылдың 10 сәуір күні мектеп психологы Б.Т.Рахманқұл 11-сынып оқушыларымен «Арманға жету жолдары» тақырыбында тренинг өткізді. Тренингтің мақсаты оқушылардың бір-бірімен қарым-қатынасын, болашаққа деген үміттерін арттыру арқылы жақсы ниетпен армандай білуіне және оған қол жеткізуге ұмтылуына ықпал ету. 

Тренинг барысында гугл формасы арқылы оқушыларға ссылка беріліп, көңіл-күйлерінің қандай екенін білді. Сонымен қатар «Армандар аралында» жаттығуы арқылы 1,5 минут көздері жұмулы күйде, әр оқушы өз арманын ойша талдап шықты, «Арманда» атты 3 минуттық мотивациялық видео көрсетілді. «Менің арманымдағы үй» релаксациялық музыка арқылы жаттығу жасалды. Тренинг соңында оқушыларға QR код таратылып, жақсы тілектер тіледі. Кері байланыс жасалды. 

 Отырыс  барысында  пән  мұғалімдерімен  оқушылардың  төмен көрсеткіш көрсетуінің себептері және тоқсанға қойылған бағаның алшақтығы сараланды. Мектеп директоры тарапынан  алдағы уақытта  аталған  оқушылардың  ата-аналарымен  жеке пән мұғалімдерінің  байланысын  күшейту туралы  тапсырма  берілді.