2023 жылдың 10 сәуір күні мектеп психологы Б.Т.Рахманқұл 11-сынып оқушыларымен «Арманға жету жолдары» тақырыбында тренинг өткізді. Тренингтің мақсаты оқушылардың бір-бірімен қарым-қатынасын, болашаққа деген үміттерін арттыру арқылы жақсы ниетпен армандай білуіне және оған қол жеткізуге ұмтылуына ықпал ету. 

Тренинг барысында гугл формасы арқылы оқушыларға ссылка беріліп, көңіл-күйлерінің қандай екенін білді. Сонымен қатар «Армандар аралында» жаттығуы арқылы 1,5 минут көздері жұмулы күйде, әр оқушы өз арманын ойша талдап шықты, «Арманда» атты 3 минуттық мотивациялық видео көрсетілді. «Менің арманымдағы үй» релаксациялық музыка арқылы жаттығу жасалды. Тренинг соңында оқушыларға QR код таратылып, жақсы тілектер тіледі. Кері байланыс жасалды. 

 Отырыс  барысында  пән  мұғалімдерімен  оқушылардың  төмен көрсеткіш көрсетуінің себептері және тоқсанға қойылған бағаның алшақтығы сараланды. Мектеп директоры тарапынан  алдағы уақытта  аталған  оқушылардың  ата-аналарымен  жеке пән мұғалімдерінің  байланысын  күшейту туралы  тапсырма  берілді.

11 сынып оқушыларымен мектеп психологы  Б.Т.Рахманқұл «Үрейден қалай құтыла аламыз?» тақырыбында тренинг өткізді. Тренинг барысында ҰБТ уақытында үрейден, үрейдің алдын алып, қорқыныштан, қобалжудан қалай арылуға болады, не істеуге болатынын жайында кеңестер берілді. Сонымен қатар түлектердің мотивациясын көтеру мақсатында  австралиялық Ник Вуйчичтің видеосы көрсетілді. Оқушылардың бойындағы үрейі мен қорқыныш, қобалжуларын сейілту үшін «Ашулы шарлар» жаттығуы жасалды. Тренинг соңында медитациялық видео көрсетіліп, релаксация жасалды. 

2023 жылдың  13 желтоқсаны күні 11 сынып оқушылары мен ата-аналары және пән мұғалімдерімен біріккен қорытынды аттестаттау мен ҰБТ-ға дайындықтың штаб отырысы өткізілді. Мектеп директоры Г.Е.Абдрешева ата-аналарға бүгінгі күнге дейін әкімшілік тарапынан алынған 4 тест нәтижесінің қорытындысын пән бойынша салыстырмалы түрде талдап түсіндірді. Тест нәтижелері бойынша төмен балл жинаған оқушыларды тұрғызып, пән мұғалімдерінен оқушылардың дайындық деңгейлерін саралады. Ата-аналарына балаларының үйде дайындығын мен  қосымшаға уақытылы келіп, пән мұғалімдерінің берген тапсырмаларын пән мұғалімдері күнделікті оқушының орындаған немесе орындамағанын жеке қадағалау мақсатында мектеп директорына  мәлімет беріп отыру керектігін қатаң ескертті. 

Қорытындылай келе, пән мұғалімдері мен ата-аналарға екі жақты қадағалау болғанда ғана жақсы нәтижеге жетуге  болатындығын жеткізді. Ал пән мұғалімдеріне қосымша сабақтардың сапалы жүргізу керектігін айтып, оны қадағалауды ДОІЖО г.О.Мухамедкуловаға тапсырды.

Ағымдағы жылдың 22 қараша күні 11 сынып оқушыларымен директордың оқу ісі жөніндегі орынбасары Г.Мухамедкулова 2023 жылдың ҰБТ жаңалықтарымен таныстырды. Академиялық адалдықты қамтамасыз ету мақсатында «1 компьютер – 2 камера – 1 тестіленуші» қағидасы қатаң сақталады. Компьютерлік экрандарда тестілеудің өзінде калькулятор, периодтық кесте және тұздардың ерігіштігі кестесі қолжетімді болатынын айтып өтті. Сонымен бірге Г.Орынбасарқызы пәндер саны да өзгермегендігін, бірақ «Қазақстан тарихы» және «Оқу сауаттылығы» пәндері бойынша тест тапсырмаларының санына өзгерістер енгізілгенін түсіндірді. Енді «Қазақстан тарихының» бір нұсқасында 20 тест тапсырмасы болады: бір дұрыс жауапты таңдаумен 10 тапсырма және контекст негізінде 10 тапсырма және бұрын талапкерлер «оқу сауаттылығы» бойынша 20 сұраққа жауап берсе, енді 3 мәтін бойынша 15 тест тапсырмасы беріледі деді.         

Осылайша, Қазақстан тарихы бойынша – 20, оқу сауаттылығы бойынша – 15, математикалық сауаттылық бойынша – 15 және екі бейінді пән бойынша 35 тапсырма беріледі. Ең жоғарғы ұпай саны – 140. Тестілеудің жалпы уақыты   4 сағатты (240 минут) құрайды. Айта кетсек, 2022-2023 оқу жылынан бастап ҰБТ бейіндік пәндер комбинацияларының тізбесіне «Информатика» пәні енгізілген, осыған байланысты «Информатика мұғалімдерін даярлау», «Ақпараттық технологиялар», «Ақпараттық қауіпсіздік» білім беру бағдарламалары топтарына түсушілер ҰБТ-ны «Математика-Информатика» комбинациясы бойынша тапсыратынына тоқталды.